قصيدة اسَادَتِي اوْلادْ طَهَ للشيخ الحاج ادريس بنعلي مع الشرح المفصل

القسم الأول بَسْمْ الْفَتَّاحْ وَاسَعْ الرَّحْمَا نَنْظَمْ جُوهَرْ الْقْوَالْ وَسَمْ اللهْ الْكْرِيمْ فَالْ هِيَّ مَفْتَاحْ كُلّْ اشْيَا سَالْ عْلِيهَا الِّي قْرَا وَشْرَبْ كِيسَانْ سَرّْهَا حَتَّى هَالْ بْحُببّْهَا وُمَالْ وَزْهَدْ فَجْمِيعْ كُلّْ مَال وَصْبَحْ قَلْبُ بْحُبّْ رَبِّي عَامَرْ وَالدَّاتْ طَاهْرَا وَنْصَلِّي بَالدّْوَامْ وَنْسَلَّمْ مَنْ شَوْقِي عْلَى الْهْلالْ مُحَمَّدْ خَاتَمْ الرّْسَالْ وَعْلَى ءَالُ سْيَادْنَا نَاسْ الْحَلْمْ كْوَاكَبْ الْوْرَا مَنْ بِهُمْ رَبّْنَا رْحَمْنَا وَلْطَفْ بِنَا مَنْ لَهْوَالْ سُبْحَانُ نَاقَدْ الْوْحَالْ يَجْعَلْهُمْ الْكْرِيمْ لِنَا حَرْمْ الدَّنْيَا وُلاخْرَا الحربة اسَدَتِي وْلادْ طَهَ بَرْضَاكُمْ عَالْجُ الْحَالْ يا َنَاسْ الْجُودْ الْفْضَالْ انَا فِي عَارْ لالا فَاطِمْ الزَّهْرَا الطَّاهْرَا القسم الثاني عروبي اسَدَتِــــــــــي وْلادْ طَهَ شُفُ مَنْ حَالِي جَمْعُ ذَاتِي مْعَ دْوَاهَا نَظْفَرْ بَمَالِــــي تْرِيعْ الرُّوحْ مَنْ اشْكًَـَهَا وَنْوَلِّي سَالِـــي اسَدَاتِي وْلادْ طَهَ طَالَبْ نَبْرَا مْنَ الْعْلالْ شُفُ حَالِي فْغِيرْ حَالْ رَفْدُ عَارِي وُ صَارْخُونِي تَهْنَا رُوحِي الْحَيْرَا اسَدَاتِي وْلادْ طَهَ فَحْمَاكُمْ جِيتْ يَافْضَالْ قَبْلُونِي بَالرّْضَى النَّالْ يَا دَارْ الْجُودْ وَالْوْفَا وَنْجُومْ الدَّنْيَا الزَّهْرَا اسَدَاتِي وْلادْ طَهَ قَاصَدْكُمْ مَا يْرَى انْكَالْ لايَنْ لَبْعِيرْ وَالْغْزَالْ هَرْبُ لَمْقَامْ جَدّْكُمْ يَااهْلْ الرَّحْمَا النَّشْرَا اسَدَاتِي وْلادْ طَهَ عَنِّي هَدْ الزّْمَانْ صَالْ وَالدَّمْعْ مْنَ الْعْيُونْ سَالْ قَبْلُ مَنْ جَا لْبَابْكُمْ شَاكِي يَظْفَرْ بَالْمْبَشْرَا الحربة اسَدَتِي وْلادْ طَهَ بَرْضَاكُمْ عَالْجُ الْحَالْ يا َنَاسْ الْجُودْ الْفْضَالْ انَا فِي عَارْ لالا فَاطِمْ الزَّهْرَا الطَّاهْرَا القسم السادس عروبي نَسْهَرْ وَنْزِيدْ فِي اثْنَاكُمْ وَنْحَضَّرْ بَالِي عَقْلِي وَجْوَارْحِي مْعَاكُمْ نَقْسَمْ بَالْعَالِــي سُلْطَانْ الذَّاتْ مَا نْسَاكُمْ وَمَا يَزْهَى لِي عَشْقِ حَلَّى فَالّْغَى مَنْ لا مَدْحُو بِينْ هَلْ الْحَالْ اِزِيدْ اِعَمَّرْ الْحْمَالْ فَسْلُوعْ الْمَدْحْ فِي ثْنَاكُمْ نِيرَانْ الشُّوقْ زَافْرَا حَبَّسْتْ الرُّوحْ وَالْحْيَاةْ عْلِيكُمْ وَالَّبْ وَالْوْصَالْ تَحْبِيسْ امْتَبَّتْ الْمْقَالْ الْعَبْدْ وُكُلّْ مَا كْسَبْ لَسْيَادُ لَخْلاكًْ صَابْرَا اشْ اخْدَمْ فَالْوْجُودْ مَنْ لا يَخْدَمْكُمْ بَصَدْقْ لَفْعَالْ وِقَبَّلْ تُرْبَتْ النّْعَالْ سَاسُ مَبْنِي عْلَى الْفْضَا وَفْعَالُ لاشَكّْ خَاسْرَا اشْ هْوَى يَاهْوَاهْ مَنْ لايَهْوَاكُمْ نَاقَصْ الرّْجَالْ يَحْشَارْ مْعَ هْلْ الشّْمَالْ سَعْدَاتْ الِّي جْوَارْحُ بَهْوَاكُمْ دِيمَا مْخَمّْرَا الحربة اسَدَتِي وْلادْ طَهَ بَرْضَاكُمْ عَالْجُ الْحَالْ يا َنَاسْ الْجُودْ الْفْضَالْ انَا فِي عَارْ لالا فَاطِمْ الزَّهْرَا الطَّاهْرَا القسم السابع عروبي سَعْدْ الِّي خَمّْرُ اهْوَاكُـــــمْ بَالْكَاسْ الْمَالِـي وَضْحَى يَبْغِي الِّي ابْغَاكُمْ وِ يْحَسْبُ غَالِي يُحْشَارْ فْلاخْرَا مْعَاكُـــــمْ مَايَبْقَا تَالِــــــي بِكُمْ نَطْلَبْ رَبّْنَا يَغْفَرْ لِي فَقْبَايَحْ الْفْعَالْ وِتَبَّتْنِي عْلَى السّْئَالْ لِيلَتْ قَبْرِي نْصِيبْ بَرْكَتْكُمْ يَالَشْرَافْ حَاضْرَا اخْتَمْتْ دْبَاجْ الْقْصِيدَ بَغْزَلْ صَافِي مَنْ الْخْبَالْ وَلْفَاظْ مْضَى مَنْ النّْبَالْ عَذْرَا مَنْ زِينْهَا الْمَكْمُولْ بْنَاتْ الْجِيلْ غَايْرَا بَانْتْ تَسْبِي وْحَقّْ تَسْبِي نَاسْ التَّشْبِيهْ وَلْمْثَالْ وَجْمِيعْ لِّي صْغَى وُجَالْ مَنْ فَضَلْ اللهْ مَنْ شْرَحْ صَدْرِي بَالْحَكْمَا الظَّاهْرَا نَرْجَى لَقْبُولْ مَنِ احْبِيبِي مُحَمَّدْ نَاصَرْ الْحْلالْ وُعَلِيّْ رَايَسْ الْبْطَالْ اُمَنْ وْلادُ وزُوجْتُ جَارْ حْمَاهُمْ لِيسْ يَنْعْرَا وَسْلامْ اللهْ مَنْ ادْرِيسْ بَنْ عْلِي مَا سَارْتْ الْبْزَالْ وَطْوَاتْ بْطَيّْهَا مْيَالْ وَعْلَى الرُّوضَا الِّي بْفَرْقَتْهَا رُوحْ الذَّاتْ حَايْرَا الحربة اسَدَتِي وْلادْ طَهَ بَرْضَاكُمْ عَالْجُ الْحَالْ يا َنَاسْ الْجُودْ الْفْضَالْ انَا فِي عَارْ لالا فَاطِمْ الزَّهْرَا الطَّاهْرَا

هذه القصيدة للشاعر الحاج إدريس بن علي هي قصيدة "توسل"، يناجي فيها الشاعر آل بيت النبي صلى الله عليه وسلم، ويطلب منهم الشفاعة والمدد الروحاني لمعالجة حاله.

المقدمة: البداية بالله والصلاة على النبي

يبدأ الشاعر بالبسملة، ويؤكد أنها مفتاح كل شيء. ثم يصلي على النبي محمد صلى الله عليه وسلم وآل بيته، الذين يصفهم بأنهم "كواكب الورى" (نجوم الخلق)، وبهم رحم الله العباد.

الحربة: الاستجارة بآل البيت

تأتي الحربة (اللازمة) لتلخص غرض القصيدة: "اسَدَتِي وْلادْ طَهَ بَرْضَاكُمْ عَالْجُ الْحَالْ / يا َنَاسْ الْجُودْ الْفْضَالْ / انَا فِي عَارْ لالا فَاطِمْ الزَّهْرَا الطَّاهْرَا". هي استغاثة مباشرة بـ "أولاد طه" (آل البيت)، يطلب منهم أن يعالجوا حاله برضاهم، ويستجير بشكل خاص بالسيدة فاطمة الزهراء.

شكوى وتوسل

يصف الشاعر حاله، فهو مريض بالعلل الروحية، ويطلب منهم أن يجمعوا بين ذاته ودوائها. يؤكد أن من يقصدهم لا يصيبه مكروه، ويذكر بقصة البعير والغزال اللذين لجآ إلى مقام النبي. هو يشكو من جور الزمان، ويطلب منهم أن يقبلوا شكواه.

الفخر بخدمة آل البيت

يفتخر الشاعر بأنه خادم لآل البيت، ويرى أن ربحه وغناه الحقيقي هو في رضاهم. يذكر بفضل السيدة فاطمة وزواجها من سيدنا علي، وكيف أن النبي قد دعا لهما ولذريتهما بالبركة. يؤكد أن محبة آل البيت هي التي تفتح أبواب الرضا، وأن ذكرهم أحلى من الخمر.

الخاتمة: الفخر الشعري والتوقيع

يختم الشاعر قصيدته بالفخر، فيقدمها كـ "دباج" (حرير) وغزل صافٍ. يرجو القبول من النبي وعلي وأبنائهما، ويوجه سلامه للروضة الشريفة. ثم يوقع باسمه "ادريس بن علي".

• الْقْوَالْ: الأقوال، الشعر.
• هَالْ: هام.
• كْوَاكَبْ الْوْرَا: نجوم الخلق.
• نَاقَدْ الْوْحَالْ: منقذ من الشدائد.
• حَرْمْ: حماية.
• اسَدَتِي: يا سادتي.
• عَالْجُ: عالجوا.
• عَارْ: حماية وجوار.
• عروبي: مقطع شعري له طابع خاص.
• تْرِيعْ: تهدأ.
• اشْكًَـَهَا: شقاؤها.
• سَالِـــي: هانئ البال.
• الْعلالْ: الأمراض.
• صَارْخُونِي: أغيثوني.
• انْكَالْ: عذاب.
• لايَنْ: لأن.
• شِيدَاوِنِـــــي: عالجوني.
• مَادَالِــي: دائماً.
• دُرّْتْ الْجْمَالْ: درة الجمال.
• الْقَصْرَا: التي تقصر الطرف حياءً.
• حِيضْرَا: حضرة، مجلس.
• شْدَاكُمْ: عطركم.
• بَغْوَالِي: بأنواع الطيب الغالية.
• يْلالِــي: يلمع.
• كْحَالْ: سواد.
• زْلالْ: صافٍ.
• الْبْدَالْ: الأبدال (مرتبة من مراتب الأولياء).
• الْمْصَالْ: الخمر.
• اثْنَاكُمْ: مدحكم.
• الْحْمَالْ: الأحمال.
• سْلُوعْ: سلع.
• زَافْرَا: مشتعلة.
• تَحْبِيسْ: وقف.
• امْتَبَّتْ الْمْقَالْ: مؤكد القول.
• تُرْبَتْ النّْعَالْ: تراب نعل النبي.
• مْخَمّْرَا: سكرانة بالحب.
• تَالِــــــي: متأخر.
• قْبَايَحْ: قبائح.
• دْبَاجْ: حرير.
• الْخْبَالْ: الهموم.
• رَايَسْ الْبْطَالْ: قائد الأبطال.
• يَنْعْرَا: يُعتدى عليه.
• الْبْزَالْ: النوق.